chitra charoli 311 | Aaplaa Vyaaspith news

Sunday, August 18, 2019

Select your Top Menu from wp menus
Breaking News

चित्र चारोळी ३११

चित्र चारोळी ३११

हिरवी किनार करड्या रस्त्याला
शेवाळी मिनार नितळ पाण्याला
माडांची भेट उंच आकाशाला
निसर्गाचे प्रतिबिंब भुलवी मनाला

©प्रतिक्षा कांबळे (psb)

———————————————————————-

हरित तृणात कल्पवृक्ष डौलात डोलती
सुबक वाट उजळून आली सूर्यप्रकाशी
शांत जळी तरूकर स्वमुख न्याहाळती
दान निसर्गाचे उधळण हिरव्या पाचुंची

@ मिलिंद कल्याणकर

———————————————————————–

नवतीचा शालू नेसली धरती
शोभे पाण्याचा निळा पदर,
नक्षीदार सुंदर माड डोलती
करडा काठ नि हिरवी झालर…
@ ज्योती जाधव.

———————————————————————–

आकाशी आभाळाखाली
निसर्गाची पसरलेली माया
हिरवी झाडे उभी राहूनी
देती नदी काठाला छाया

@ अक्षया किरण मोरे
कळवा ठाणे

————————————————————

हिरव्या हिरव्या झाडातून
करड्या रंगाचा जातो मार्ग
सुंदर मनमोहक दृश्य
जसा पृथ्वीवर सजला स्वर्ग

@ सौ शामल अविनाश कामत
वाशी नवी मुंबई

————————————————————-

बरसून आला पाऊस
हिरवाईने परिसर सजला
रस्त्यावर दुतर्फा झाडी
आनंद देतसे मनाला

@ प्राची देशपांडे

—————————————————-

About The Author

Vyaaspith

प्रिंटमिडिया आणि इलेक्ट्रॉनिक मिडियाचे मिश्रण म्हणजे वेबमिडिया म्हणूनच www.vyaaspith.com

Related posts

error: Content is protected !!